Борисов: Му реков на Заев да не дава оставка
Ништо не е одлучено, само е одложено. Забележана е огромната работа што ја направиле колегите во Северна Македонија и Албанија. Ова го изјави премиерот Бојко Борисов во Брисел, каде што се одржува самитот.
-„Да, несомнено постои страв од проширување. Но, огромното мнозинство на земји се за „овие две земји да ја добијат својата перспектива", вели тој.
Додава дека Бугарија отсекогаш давала поддршка.
- „Отсекогаш сме и давале поддршка, Заев направи многу работа и има уште многу да се направи. Му реков на македонскиот премиер да не поднесува оставка“, рече Борисов додавајќи дека Северна Македонија е многу емотивна и вложила голем напор.
„Ниту една земја досега не го сменила своето име“, додава тој.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа