Јовановски: Кога ќе пораснам, не сакам да бидам Владимир Лазовски

Актерот Владо Јовановски и оперскиот пејач Игор Дурловски реагираа по објавата на Фејсбук од заменик-министерот за култура Владимир Лазовски, во која, иако не го именува, алудира на учеството на Јовановски во театарската претстава „Бесачи“.

„Не така оддамна, во едно лошо време, бевме под закана од гумени куршуми, бетонски плочи, БЕСЕЊЕ, убиства, ликвидација… Истите тие заканувачи денес слободно можат професионално да креираат и да се изразуваат без никаква реваншистичка закана од нивните довчерашни жртви. Заедно, под ист покрив, во ист проект, на иста претстава под ист наслов, со ужасно вистинита последна реплика. Ние тоа го гледаме и разбираме. Се надевам и вие. Но, очајнички тешко се соочувате со тоа“, напиша Лазовски.

„Кога ќе пораснам, не сакам да бидам Владимир Лазовски“, возврати Јовановски.

„Не така одамна, во едно лошо време Владо Јовановски беше жртва на политички прогон. Денес #бесачите можат слободно да се изразат на ФБ извртувајќи ги фактите дека жртвата е насилник.

Владо е глумчиште, во мала улога беше голем, вам ви преостанува да пливате во океанот од измет кој сами си го создадовте.