Милошоски: Договор ќе имаше ако Заев не беше нервозен за „Рекет"
Договор за нов Закон за обвинителство можеби и ќе се постигнеше доколку премиерот Заев не беше толку нервозен во врска со предметот „Рекет“. Ова го напиша Антонио Милошоски од ВМРО-ДПМНЕ, по вчерашната Лидерска средба која траеше со часови во македонското Собрание.
- „Таквото однесување остава сомнеж дека хиерархијата на соучесници и организатори во ‘Рекет’ е многу повисоко во власта, од улогата која во овој криминал ја имала осомничената Катица Јанева“, напиша Милошоски.
За потсетување, по неколку часа преговори, власта и опозицијата синоќе не постигнаа договор. Власта и опозицијата повторно заглавиле кај Законот за ЈО.
Не се знае дали во следниов период повторно ќе има средби меѓу преговарачките тимови од двете страни.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа