ВМРО-ДПМНЕ: Мерката „Зелена нафта“ е квази мерка, а власта на СДСМ продолжува без срам да ги лаже граѓаните
Мерката „Зелена нафта“ е квази мерка, ова денеска преку реакција го истакнуваат од ВМРО-ДПМНЕ.
-Власта на СДСМ продолжува без срам да ги лаже граѓаните. Со мерката „Зелена нафта“ власта предвидува поделба на 55.000 картички за зелена нафта, а во Македонија има преку 100.000 регистрирани земјоделци. Од оваа популистичка и неефективна мерка земјоделците нема да имаат никаква корист. Со оваа мерка СДСМ не ги решава проблемите на земјоделците, потенцираат од партијата.
Од ВМРО-ДПМНЕ велат дека тие имаат проблем со пласманот и цената на нивните производи. Поради лаги и лошите политики во земјоделието СДСМ треба веднаш да си замине од власт и да се распишат предвремени парламентарни избори. ВМРО-ДПМНЕ кога ќе победи на предвремените парламентарни избори ќе започне ерата на реални мерки за македонското земјоделство, потенцираат од партијата.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
