Пратениците на ВМРО-ДПМНЕ го напуштија гласањето за Законот за јавно приватно партнерство

Пратениците на ВМРО-ДПМНЕ и Коалицијата за Подобра Македонија денеска ја напуштија собраниската седница и воедно не гласаа за измените на Законот за јавно приватно партнерство. Имено од собраниската говорница пратеникот Илија Димовски нагласи дека ВМРО-ДПМНЕ нема да учествува во гласање на оваа криминална точка која дозволува воспоставување на нова шанса за корупција и криминал во државата.

Пратениците од ВМРО-ДПМНЕ за оваа криминална точка нема да учествуваат во гласањето и ќе излезат и ќе остават целосна одговорност на пратениците од владејачкото мнозинство дали ќе дозволат воспоставување на нова шанса за корупција и криминал во државата, посочи Димовски.