СДСМ: Додека за ВМРО- ДПМНЕ правдата е непознат поим, за нас борбата против криминалот не познава партиски бои
„Заштитата на криминалот и криењето на криминалци е одлика на ВМРО-ДПМНЕ, партијата која заедно со Христијан Мицкоски се пипците на криминалниот октопод раководен од Будимпешта чија глава е осудениот криминалец во бегство Никола Груевски“ стои во соопштението на СДСМ.
Од партијата велат дека ВМРО-ДПМНЕ е против правдата, против одговорноста и затоа измислува и конструира непостоечки случаи.
„За Мицкоски и ВМРО-ДПМНЕ правдата е непознат поим и затоа тие немаат кредибилитет да зброуваат за правда и одговорност.
СДСМ покажа дека борбата против криминалот не познава партиска припадност и таа треба да биде бескомпромисна и неселективна.
Доказ за тоа е и новиот Закон за јавно обвинителство кој влегува во собраниска процедура за кој ВМРО-ДПМНЕ очајно бара алиби да не го прифати.
ВМРО-ДПМНЕ и Мицкоски треба да покажат одговорност и да го прифатат Предлог Законот за Јавно обвинителство и да ги остават надлежните институции да работат независно, професионално и неселективно.
Република Северна Македонија е правна држава во која владеат законите. Секој оној за кој ќе се докаже дека постпапувал незаконски ќе одговара“ се вели во партиското соопштение на СДСМ.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа