ВИДЕО: 5 затвореници забарикадирани во ќелија во затворот во Штип - се закануваат со самоповредување
Петмина затвореници во затворот во Штип се забарикадирале во својата ќелија и се закануваат дека ќе се самоповредат.
Како што јави штипската телевизија ТВ Стар, кај нив биле пронајдени мобилни телефони, што е спротивно на правилата на затворот, заради што им биле одземени. Но, петемина затвореници се жалат дека мобилни имаат и други затвореници, и дека тие се привилигирани и ги користат за разлика од нив.
Во моментов, според информациите течат преговори. Затворската управа ги убедува да ја отворат ќелијата, а тие се закануваат со самоповредување со приборот за храна.
Видеото е објавено вечерва, а до овој момент нема информации за исходот.
Од полицијата се уште нема официјална потврда за овој случај.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
