Унгарската опозиција подготвува план против Груевски
Унгарската социјалистичка партија и другите опозициски партии подготвуваат заеднички план против поранешниот премиер Никола Груевски кој доби азил во Унгарија. Тие не прифаќаат Груевски да биде заштитен во нивната земја, бидејќи според нив не ги исполнува условите, а истовремено се противат оти тој е осуден на издржување затворска казна во Македонија, пренесува „Макфакс“.
Консултацијата меѓу партиите Дијалог за Унгарија (MSZP), Демократска колаиција (DK) и партијата Други политики се возможни (LMP) веќе била одржана, пишува „24.ху“ повикувајќи се на свои извори.
Тие ќе иницираат почеток на панел дискусија за ова прашање, а истовремено ќе бараат креирање на парламентарна истражна комисија. Потоа до властите ќе достават заеднички став на опозицијата за случајот Груевски, а парламентот ќе добие предлог како да се постапи.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
