Вонредна временска информација: Доаѓа силно невреме
И покрај вистинските летни температури на воздухот кој и понатаму владеат во нашата држава но и пошироко во регионот сепак атмосферата во делови од државава и тоа особено на северозападот од истата започна да се дестабилизира каде има појава на локални врнежи и грмежи, стои во временската на Славчо Поповски.
Понатаму до самиот крај од денешниот понеделнички ден особено на север и на северозапад како локално и на запад ќе има нестабилност проследена со особено изолирана појава на пороен дожд, грмежи и засилување на ветерот а не се исклучува можноста и за сосема редок град.
Максималните дневни температури на воздухот ќе се искачуваат во интервалот од 27 до 35 степени.
Утре (вторник) времето ќе биде претежно стабилно и суво но од север ќе продре нешто посвеж воздух па така и температурите на воздухот ќе бележат тенденција на мал пад и истите ќе се искачуваат во интервалот од 25 до 32 степени.
Во среда повторно ќе има услови за локално дестабилизирање на атмосферата особено во северната половина од државава.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа