Наставниците и професорите не зеле јулска плата: "Зар во земја која сака во ЕУ да молиме за чесно заработени пари"
Независниот синдикат за образование денеска на прес-конференција се пожали дека доцнат платите во образовниот сектор.
- „Денеска е 18 август, а вработените во образованието сѐ уште немаат земено плата. Во понеделник е 20 август и прашање е дали на тој датум ќе ја добиеме платата. Во законот за работен однос јасно и недвосмилено стои дека крајниот рок за исплаќање на плата е најдоцна до петнаесетти во месецот, но за жал законската регулатива не е доследно испочитувана во образованието“, изјави претседателот на Синдикатот, Томислав Гиевски.
Независниот синдикат бара од Министерството за образование и наука и општините да одговорат зошто се деградираат работниците во образовниот сектор.
- „Непристојно е за земја која има претензии да стане членка на Европската Унија, работниците да молат да ја добијат нивната чесно заработена плата“, рече Гиевски.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа