СДСМ: Откако седи во министерска фотелја - Јанкулоска се збогатила за 200.000 евра

Гордана Јанкулоска, откако седнала во министерската фотелја во МВР, само во станови, го зголемила својот имот за НЕВЕРОЈАТНИ 200 ИЛЈАДИ ЕВРА!

Ве информираме дека ова е првиот во низата скандали за експресни богатења на луѓе од власта, за коишто СДСМ ќе ја информира јавноста.

Сега, поставуваме просто прашање до министерката за внатрешни работи и до премиерот Груевски. Дали со чесна македонска плата, нека е и министерска, за 5 години се доаѓа до заработка од 200 илјади евра?

Секој граѓанин во оваа земја одговорот го знае, но Груевски нека одговори, просто, како што тој сака, дали може или не може?

Во случајот Гордана Јанкулоска МОЖЕ. Еве ги анкетните листови.

Во 2006 година Јанкулоска пријавила дека поседува само стан од 76 метри квадратни, со вредност од 50 илјади евра.

По 5 години, во 2011 година, министерката се проширила во нов стан, од 114 метри квадратни, вреден 120 илјади евра. Интересно, истата година, состан  од 95 метри квадратни, вреден 100 илјади евра се стекнува и нејзиниот брачен партнер.

Едноставно е прашањето, како и успеа ова на чесната министерка Гордана Јанкулоска?

Дури за 4 пати да го зголеми својот имот, од две плати во државната администрација, заедно, не поголеми од 1700-тини евра?!

Обична пресметка покажува дека, дури и кога министерката и нејзиниот сопруг не би трошеле ни денар од своите плати, да не јаделе, да не купиле ништо, не би можеле за толку кусо време да заработат ни половина од оваа сума – 200 илјади евра зголемен капитал.

Господине премиер Груевски и министерке Јанкуловска, како е возможна оваа математика?

Од државна плата, за 5 години, да зголемите станбен фонд за 200 илјади евра?

Вака ли се борите со криминал? Мистериозно ви растат станбените квадрати, а пријавувате само државна плата?

СДСМ инсистира на одговори од министерката за внатрешни работи Јанкулоска и од премиерот Груевски.

Ги повикуваме надлежните институции итно да го испитаат случајот Гордана Јанкулоска!

(Интегрален текст од прес-конференција на Петре Шилегов, портпарол на СДСМ)