ОН: Тешко е да се најде и уништи хемиското оружје во Сирија

Аке Селстром од тимот на инспектори на ОН смета дека денеска  е тешко да се пронајде и уништи сето сириско хемиско оружје, но сепак смета дека тоа е возможно.

Селстром додаде дека пронаоѓањето и уништувањето на сириското хемиско оружје е „возможно, но е и стресна работа“.

Тој како шеф на тимот на ОН смета дека многу зависи од тоа дали режимот на Башар Асад и опозицијата ќе сакаат да преговараат.

 Селстром, шведски експерт за вооружување, рече дека неговиот тим заклучил, по посетата на Сирија, дека е употребен нервниот гас сарин во нападот во предградието на Дамаск на 21 август, кога повеќе стотици цивили загинаа.