250 милијарди слики се објавени на социјалната мрежа Фејсбук

Фејсбук никогаш нема да биде сервис за размена на фотографии,како Flickr, но сепак е негова најголема конкуренција. Така дневно на Фејсбук се ставаат и до 350 милиони фотографии, додека на Flickr сервисот се префрлуваат околу 4 милиони.

До сега само на оваа најголема друштвена мрежа се ставени 250 милијарди слики, а оваа бројка постојано расте.

Ова се официјални статистички податоци од Фејсбук, а има и уште некој интересни дневни фејсбук бројки.

Така на пример дневно се изменуваат околу 4.8 милијарди содржини,се ставаат околу 5 милијарди лајкови, а се разменуваат неверојатни 10 милијарди пораки.