Заев: Градиме квалитетни патишта да им служат на идни генерации
Премиерот Зоран Заев заедно со министерот Горан Сугарески и директорот на Јавното претпријатие за државни патишта, Зоран Китанов го означија започнувањето на градежните работи за изградба на експресниот пат Штип – Радовиш, јави Канал5.
- „Се работи за делница од 40 км. Овој потег којшто сега е отворен како прва фаза од изградбата на оваа делница изнесува 27 километри“, соопшти премиерот Заев.
- „Сето тоа е девизен прилив за граѓаните на Република Македонија и за билансната сметка на државата. Со едни вакви брзи делници кои ќе овозможат брзо пристигнување јас очекувам дека ќе се мотивира зголемување на протокот на стоки и зголемување на протокот на патници што е современа тенденција“, порача премиерот Заев.
Министерот за транспорт и врски, Горан Сугарески во својата изјава за медиуми ја истакна важноста на изградбата на овој експресен пат и сподели информации за планираните активности во источниот регион на Република Македонија.
„Владата на Република Македонија е исклучително посветена на одвојување на средства за источниот и југоисточниот регион. Во наредниот период планирани се 320 милиони евра за овој регион за изградба на патишта“, рече министерот Сугарски.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа