Подрум полн нафта се запали во Кавадарци: Пожарникарите спречија катастрофа

Нема поврдени во пожарот што доцна синоќа избувна во магацински простор во Кавадарци, за МИА денеска потврди Илчо Богевски, командир на кавадаречката Територијална противпожарна единица.

-Изгоре дел од магацинот, но спречивме пламените јазици да ги зафатат околните објекти. Ризикот за такво нешто беше голем, бидејќи во магацинот имаше дрва и буриња со лесно запалива течност, нафта, нагласи Богевски.

Противпожарната единица на лице место интервенирала со две возила и пет пожарникари.

Се утврдуваат причините за пожарот и висината на материјалната штета.