Директорката на „Св. Кирил и Методиј“ од Неготино поднесе оставка, по екскурзијата во Италија

Директорката на неготинското средно училиште „Св. Кирил и Методиј“ Менча Зафирова од морални причини поднесе оставка, по настаните и обвинувањата поврзани со екскурзијата на средношколците во Италија.

 Зафирова, иако, како што стои во соопштението од Службата за односи со јавноста на Општина Неготино, не е директно виновна за случувањата на екскурзијата, од морални причини до градоначалникот Тони Делков доставила писмена оставка на функцијата вршител на должноста директор.

Градоначалникот Делков ја прифатил оставката, се заблагодарил на досегашната одлична соработка.