Страшна несреќа утрово на патот Штип-Пробиштип - возило излета од коловозот

Утрово во 6 часот и 50 минути на регионалниот пат Пробиштип-Штип во близина на раскрсницата кај село Крупиште, патничко моторно возило „Ленд ровер“ со штипски регистерски таблици управувано од 25-годишниот Г.С. од Пробиштип излеталo од коловозот. 

Со возило на итна медицинска помош Г.С. бил пренесен во Медицинскиот центар во Штип, каде од страна на лекар му биле констатирани тешки телесни повреди. Од страна на увидна екипа од Секторот за внатрешни работи Штип бил извршен увид. 

Полицијата работи на расчистување на случајот.