Татко и ќерка завршија во болница откако беa искасани од ротвајлер во Скопје

Во Секторот за внатрешни работи Скопје, вчера во 22:30 часот било пријавено дека на улицата „Митрополит Теодосиј Гологанов“ во паркот за кучиња во населбата Карпош, 13-годишно девојче, кое било со нејзиниот татко, 43-годишниот Д.Д., било каснато од куче–Ротвајлер, водено од женско лице.

Девојчето се здобило со тешки телесни повреди, а нејзиниот татко кој се обидувал да го оттргне кучето се здобил со телесни повреди.

На повредените им е укажана лекарска помош во Комплексот Клиники „Мајка Тереза“.