Сексизам и дискриминација во поезија на Агенцијата за млади и спорт - се бара оставка од директорот

Скандалозна поезија полна со сексизам, дискриминација и говор на омраза со уреднички потпис на директорот Дарко Каевски и пари на Агенцијата за млади и спорт ја згрози јавноста.

Како уредник на збирката е потпишан директорот на Агенцијата за млади и спорт Дарко Каевски.

Од Агенцијата синоќа преку нивниот Фејсбук профил соопштија дека изборот на песни за збирката бил напревен од надворешна комисија, а АМС немале увид во содржината. Тие се оградија од содржината која содржи дискриминација.

Директорот на Агенцијата за млади и спорт денеска одржа прес-конференција на која го осуди начинот на кој се шири говор на омраза во песните, и потврди дека и покрај тоа што чувствува морална одговорност, сепак нема да поднесе оставка.

„Јас како директор на Агенција за млади и спорт чувствувам морална одговорност и се извинувам. Јас ги утврдив чекорите како треба да се имплементира целиот проект, но не и содржината. Ќе ја детектирам вината и ќе излеземе со став по тоа прашање – истакна Каевски.

Директорот истакна дека ќе биде направена истрага и ќе се утврдат виновниците, кои мора да сносат одговорност за настанатите пропусти.

Овој проект чинел 152 илјади денари.