Единаесет лица повредени во Скопје
Единаесет лица се полесно повредени во шест од 12 евидентирани сообраќајни несреќи на подрачјето на СВР Скопје во изминатото деноноќие.
Сообраќајната полиција презела санкции кон 21 возач за пречекорување на дозволената брзина, 11 се исклучени од сообраќај по разни основи, а за истечена сообраќајна дозвола и техничка неисправност од сообраќај се отстранети седум возила. Издадени се и мерки за непрописно паркирани 106 возила, а пајакот кренал 72 возила.
Санкционирани биле и тројца возачи кои поминале крстосница на црвено светло и по еден за недавање првенство за минување на пешаци и за неправилно престројување.
Одделението за превенција при СВР Скопје денеска ќе реализира едукативни работилници во ООУ „Јоаким Крчовски“ во општина Ѓорче Петров, со ученици од второ и четврто одделение, во рамки на сообраќајно воспитниот проект „Да ги заштитиме децата во сообраќајот“
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
