На местото на Ќосето ќе се стави дрво - оваа порака ќе се испише на него

На местото каде што стоеше постамент со спомен обележје на Андон Јанев Ќосето за кој се констатираше дека е дивоградба, ќе биде насадено дрво „за човекови права“ под кое ќе биде изгравиран Членот 10 од Општата повелба за човекови права на Обединетите нации. За ова денеска информираше на прес-конференција Петре Шилегов.

- „Секој има потполно еднакво право на праведно и јавно судење пред независен и непристрасен суд, при одредувањето на неговите права и обврски и во услови на какво и да е кривично обвинение против него“, е пораката која ќе стои на дрвото.