Османи: Имаме историска шанса и обврска да ставиме точка на прашањето за името
Оваа година претставува историска шанса за надминување на недоразбирањето околу употребата на името на Македонија, и, како политичари кои ја добиле довербата да ги предводат своите граѓани, имаме обврска да покажеме зрелост и сериозност и да не ја пропуштиме оваа шанса.
Ова денеска го истакнал вицепремиерот за европски прашања Бујар Османи, на средбите во Атина со шефот на дипломатијата Никос Коѕијас и заменик-министерот за надворешни работи за европски прашања и меѓународни економски односи, Јоргос Катругалос, пренесе дописникот на МИА од Атина.
Османи посочил дека во Македонија постои јасно изразен оптимизам за затворање на ова прашања и изрази надеж дека, заедно со позитивните сигнали кои доаѓаат и до страна на Грција, ова прашање конечно ќе биде надминато.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
