Солунскиот митрополит и министерката за Македонија и Тракија: Македонија е грчка

Грчките новинари од Солун, ја искористија можноста додека, солунскиот митрополит Антимос, солунскиот градоначалник Бутарис и министерката за областите Македонија и Тракија, Мариа Коља-Царуха, говореа за денешниот празник Водици што се слави во Грција, како што јавува дописникот на МИА од Атина, да ги прашаат и за најавените протести но и за прашањето за името. 

Ставот и на солунскиот митрополит Антимос и на министерката за грчките области Македонија и Тракија е дека „Македонија е грчка“. 

Коља-Царуха, која е од редовите на Независни Грци, како министерка, во Солун ја претставуваше Владата на осветувањето на водите и фрлањето на крстот по повод празникот Водици. Говорејќи во името на нејзината партија, рече дека Македонија е грчка и дека Македонија е Грција. 

– Ние, Независни Грци и Панос Каменос и како лидер на партијата и како министер за одбрана, и јас лично како министер за Македонија и Тракија, веруваме дека Македонија е грчка, дека никој нема право да го користи ова име за свои цели. Затоа ќе се бориме, рече Коља-Царуха, во изјава за грчките новинари, пренесува МИА. 

Со идентичн став и солунскиот митрополит Антимос, кој вели „ Македонија, значи Грција и Грција значи Македонија“.