Зголемен водостојот на Вардар
Водостојот на Вардар на сите мерни места е поголем од просекот за декември и бележи зголемување во однос на вчерашниот ден, особено кај Јегуновце каде нивото е зголемено за речиси половина, покажуваат податоците на Управата за хидрометеоролошки работи (УХМР).
Повисок водостој од вообичаениот за овој месец имаат и Треска кај Македонски Брод и Црн Дрим кај Ложани, додека нивото на останатите реки во земјава е под долгогодишниот просек.
Водостоите на природните езера, пак, се во рамки на просекот, а нивото на Охридското Езеро е за 15 сантиметри повисоко од минимално дозволеното.
11.12.2017 - 11:07
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
