Богдановиќ: По 50 години ќе ја реконструираме улицата “Ѓуро Ѓоновиќ“ во Маџир Маало
Кандидатот за градоначалник на СДСМ за општина Центар, Саша Богдановиќ вети реконструкција на улици, зеленило и нова градинка во Маџир Маало.
- Маџир Маало, една од најстарите скопски населби нема да остане запоставено и заборавено. По кочењето од општина Аеродром, сега и планот и набавката се готови и приоритет веќе во наредната година е реконструкција на улицата „Ѓуро Ѓоновиќ“. Конечно по 50 години, Маџир Маало ќе добие улица каква што доликува. Но не застануваме тука ќе изградиме канализациска мрежа и ќе ги реконструираме и улиците „Светиниколска“ и „Стеван Цветковски“, порача тој.
Богдановиќ вети и садење зеленило низ населбата, поставување нови клупи за седење, канти за отпадоци и чешма за пиење вода, а Маџир Маало ќе добие и ново современо осветлување.
За најмладите е предвидена изградба на современо детско игралиште и градинка за згрижување на 150 деца.
- Ќе продолжиме да ја негуваме и поддржуваме традицијата на Маџирмаалските средби. Маџир Маало ќе стане посакувано место за живеење, рече Богдановиќ.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
