ВМРО-ДПМНЕ во Свети Николе и Штип - СДСМ во Крива Паланка и Куманово
Митинзи и средби со граѓани низ повеќе градови и населени места ќе одржат денеска партиите, коалициите и независните кандидати, кои учествуваат на локалните избори закажани за 15 октомври годинава.
Коалицијата „Живот во Македонија“ предводена од СДСМ ќе одржи средба со граѓани во Ранковце и Старо Нагоричане и митинзи во Крива Паланка и Куманово.
Карванот на Коалицијата „За подобра Македонија“ предводена од ВМРО-ДПМНЕ ќе одржи средби со граѓани во Карбинци и Лозово и митинзи во Свети Николе и Штип.
Демократската унија за интеграција ќе одржи митинзи во Битола и Ресен.
Кампањата за првиот изборен круг завршува на 13 октомври во 24 часот. Шестите локални избори во Македонија се закажани за 15 октомври, а ќе се спроведуваат на 3.480 избирачки места во 80 општини и во Градот Скопје. Вториот круг од изборите е закажан две недели подоцна, на 29 октомври. Изборната кампања за вториот круг завршува на 27 октомври во 24 часот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
