Збогум лето: Од четврток доаѓа студен бран - температурите се спуштатт блиску до нулата
Променливо облачно и посвежо со повремен локален дожд, на места проследен со ретки грмежи и со засилување на ветерот. Повеќе врнежи се очекуваат во западните делови од земјава. Ќе дува умерен до засилен ветер од југозападен правец, на места ќе достигнува брзина до околу 65 км/час.
Минималната температура ќе се движи од 7 до 15 а максималната 22 до 33 степени.
Скопје, променливо облачно со сончеви периоди и со умерен југозападен ветер. Минималната температура ќе се движи околу 10 степени а максималната околу 28.
Од четврток доаѓа студен бран во Македонија. Времето ќе биде променливо облачно и доста свежо со слаб локален дожд, особено во западните делови од земјава. Ќе дува умерен северозападен ветер.
Дневната температура значително ќе опадне за околу 10 тина степени. Потоа во петок и за време на викендот времето ќе биде стабилно и свежо со ниски утрински температури.
На планините може да се очекуваат и првите негативни температури, а околу нулата ќе бидат температурите во градовите кои се на поголема надморска висина.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
