Македонец загина во сообраќајка во Албанија

Македонски државјанин загина попладнево во сообраќајна незгода на патниот правец Либражд-Прењас откако автомобилот со кој патувал, излетал од патот.

Тој загинал на самото место, додека во несреќата биле повредени уште четири лица кои биле во автомобилот. Тие се пренесени во болница, каде им е укажана потребната лекарска помош.

Несреќата се случила на три километри од градот Прењас, кај селото Урак, во близина на преминот Ќафасан на албанско-македонската граница кај Струга.

Причина за несреќата најверојатно е влажниот коловоз и дождот.