Митровски: МВР сеуште молчи за сквернавењето на гробиштата во Љуботен
ВМРО-ДПМНЕ денеска обвини дека Министерството за внатрешни работи 11 дена молчи за сквернавењето на православните гробишта во Љуботен.
- МВР целосно затаи. Тоа што им е обврска, да го штитат редот и мирот и да ги гонат сторителите на вакви дела, тие не го исполнуваат. МВР и после 11 дена сеуште го нема фатено сторителот или сторителите на овој подол и гнасен чин, кој влеа немир и тензии меѓу граѓаните. Сторителот или сторителите се на слобода и може повторно да го сторат истото дело, изјави Дејан Митровски од ВМРО-ДПМНЕ.
Тој го повика министерот за внатрешни работи да не молчи и праша дали сквернавењето на гробиштата е намерно направено со цел да се креваат тензии меѓу граѓаните.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
