И покрај ветувањето за укинување платете си радиодифузна такса - УЈП присилно ќе наплатува

И покрај најавите на Заев за укинување на радиодифузната такса, граѓаните сепак ќе мора да продолжат да си ги плаќаат сметките. Според информациите, укинувањето на таксата не може да се случи пред ребалансот на Буџетот, а никој, се уште не може да гарантира дали тоа ќе се случи и подоцна.
Сметките за последниот месец до граѓаните се доставени уште во текот на вчерашниот ден. На оние кои нема да ги платат, ќе им биде извршена присилна наплата од страна на УЈП а ќе ги сносат и трошоците за нејзиното извршување.

СДСМ во предизборниот период најавуваше укинување на радиодифузната такса како една од мерките на новата влада. Сега, по преземањето на власта, Заев вели дека тоа ќе се случи кога ќе се обезбеди стабилно финансирање на МРТВ.