Новата зграда на ЕЛЕМ е готова – увид извршија Груевски и Мицковски
Новата административна зграда на АД ЕЛЕМ е 99 отсто готова, а се очекува завршување на работите и вселувањето да биде кон крајот на идниот месец. Во новата зграда ќе бидат сместени ЕЛЕМ, ЕЛЕМ Турс и ХЕЦ Треска.
Ова беше речено при денешниот увид на градежните работи од лидерот на ВМРО-ДПМНЕ, Никола Груевски и директорот на компанијата, Христијан Мицковски.
Зградата ќе биде на површина од 10.000 метри квадратни, а ќе биде на 8 ката и три подземни нивоа, односно подземен паркинг простор за околу 200 возила.
Новите и поголеми простории се од огромно значење за компанијата бидејќи ќе го подобрат квалитетот на работењето, но и ќе се заштедат пари бидејќи досега за кирии се давале илјадници евра.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
