За Велигден крадците удрија по ординациите
За време на празничниот викенд, непознати сторители ограбиле пет здравствени ординации, сместени во здравствениот дом во Гостивар, информира СВР Тетово.
Според СВР Тетово, кражбите се извршени меѓу 14 и 17 април, а вкупната штета се проценува на околу 100 илјади денари.
- По насилното отворање на двокрилните прозорци, разбојниците влегле внатре и освен во две, од кои не одзеле ништо, во другите ординации одзеле четири лап-топ компјутери, шест УСБ приклучоци два читача на здравствени картички и два мауса, а потоа незабележани од никого, се оддалечиле од објектот, изјави портпаролот на СВР Тетово.Марјан Јосифоски.
Увид е извршен, се преземаат сите мерки зарасчистување на кражбите.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
