Конечно добри вести за времето во Македонија

Под влијание на стабилна и сува воздушна маса насекаде во земјава преовладуваше  сончево и топло време со слаб северен ветер, кој повеќе беше изразен на повисоките места и планините.

Претежно сончево и топло со слаб до умерен северен ветер кој повеќе е изразен на повисоките места и планините. Во текот на ноќта времето ќе биде ведро и свежо со мала до умерена локална облачност и со слаб ветер од северен правец.

Времето утре, сончево и потопло со слаб до умерен ветер од северен правец. Утринските температури на некоиместа ќе бидат негативни и ќе се движат  од -3 до 3, а дневната највисока температура на воздухот ќе биде во пораст и во интервалот од 17 до 22 степена.

Скопје Сончево и потопло со слаб до умерен ветер од северен правец. Температурите од -1 до 20 степени.

Во четврток ќе дува умерен до засилен северен ветер, а облачноста постепено ќе се зголемува. Во петок во југосточните делови ќе има слаб дожд. За време на викендот ќе преовладува сончево и топло време со мала до умерена облачност.