ВМРО-ДПМНЕ: Мерката на СДСМ за земјоделците лицемерна и нереална
ВМРО-ДПМНЕ во реакција на соопштението од СДСМ со кое ветуваат интервентен фонд за помош на земјоделците оценува дека станува збор за лицемерно нудење проекти бидејќи кога СДСМ биле на власт не понудиле никаква помош и мерка во земјоделството.
Тоа што СДСМ сега го нуди, наведува ВМРО-ДПМНЕ, ни од далеку не е мерка која ќе им помогне на земјоделците, затоа што и досега државата интервенирала и тоа со многу повеќе средства кога се работи за обесштетување земјоделски површини и за помош на земјоделци од природни непогоди.
Според ВМРО-ДПМНЕ, бројката која сега СДСМ ја предлага е далеку пониска од реалните исплати коишто државата на годишно ниво ги одвојува за оваа ставка.
Дополнително, нагласуваат, на земјоделците во Македонија им стојат на располагање 150 милиони евра субвенции и повеќе мерки кои може да ги искористат.
- Сево ова покажува колку всушност СДСМ нема реален контакт со земјоделството и земјоделците во Македонија, истакнува ВМРО-ДПМНЕ. Оваа партија беше и остана салонска и елитистичка која освен лажни и нерационални ветувања нема што друго да понуди на граѓаните, се вели во реакцијата
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
