ЕУ и рефундира на АХВ 430.000 евра за вакцините за „јазлеста кожа“

Агенцијата за храна и ветеринарство (АХВ) доби рефундација од Европската унија во висина од околу 430.000 евра, пари кои минатата година беа потрошени за набавка на вакцини за справување со болеста Јазлеста кожа кај говедата.

– Рефундацијата на средствата е резултат на потврдата на ЕУ кон Македонија за ефикасните и ефективните мерки што ги презема АХВ за справување со Јазлеста кожа, стои во соопштението од Агенцијата.

Според АХВ, преземените мерки и позитивните искуства на македонските ветеринарни власти во справувањето со Јазлеста кожа, Европската унија ги зема како основа и ги преточи во нова европска регулатива за справување со оваа нова, за Европа до скоро непозната егзотична болест.