Со пушки зеле 100.000 денари од казино во Битола

Околу 100.000 денари се украдени денеска од казиното „Слот“ во Битола, лоцирано на улицата „Климент Охридски“.

Според МВР, кражбата се случила рано утрото, околу 5:15 часот, откако две непознати маскирани и вооружени лица со пушка, извршиле разбојништво над вработената и насилно ги одзеле парите по што го напуштиле местото на настанот.

Се преземаат мерки за нивно пронаоѓање и целосно расчистување на случајот.