Пред Нова Година мало покачување на температурите - што не чека?

Денеска е четврток, 22 декември 2016 година, 357-иот ден во годината. До крајот на годината остануваат уште 9 дена. 

Сонцето во Скопје изгреа во 6 часот и 58 минути,  а ќе зајде во 16 часот и 5 минути.

Денов трае 9 часа и 7 минути.

Месечината, која е во фаза на последна четвртина, ќе изгрее 18 минути по полноќ, а ќе зајде во 12 часот и 21 минута. 

Времето  во Македонија ќе биде претежно сончево со појава на мала локална облачност во западните делови од земјата. Ќе дува слаб до умерен ветер претежно од северен правец.

Утринската температура ќе се движи од минус 10 до минус пет, а дневната од четири до 10 степени.

Во Скопје ќе биде претежно сончево со слаб до умерен северен ветер. Утринската температура ќе се спушти до минус шест, а дневната ќе се искачи до седум степени.

Во наредните денови ќе се задржи стабилно и суво време со појава на умерена облачност, а ветерот и понатаму ќе биде претежно од северен правец. Утринските температури ќе бидат без позначителни промени, додека максималните дневни ќе бидат во благо покачување. Во понеделник се очекува да се движат од седум до 14 степени.