Се разбудивме со снег - температурите паѓаат, доаѓа права зима

Времето во Македонија ќе биде облачно, студено и ветровито со повремени врнежи од снег со слаб до умерен интензитет, особено во источните делови. Врнежи ќе има и во пониските делови од земјава, каде се очекува да се формира помала снежна покривка, која на планините ќе се зголеми.

Утринската температура ќе се движи од минус три до два, а дневната од минус два до три степени.

Во Скопје ќе биде облачно и ветровито со повремени врнежи од снег со слаб до умерен интензитет.

Утринска температура до минус еден, а дневната ќе достигне до еден степен.

В среда и в четврток утрата ќе бидат многу студени со температура од минус 10 до минус четири степени.