Ѓорчев: Учество на државата со 60 отсто во модернизација на земјоделието
Учество на државата со 60 проценти во набавка на земјоделска опрема, најави носителот на кандидатската листа за шестата изборна единица, Владимир Ѓорчев кој се наоѓа во Општина Брвеница.
-Еден од прориотетите што ги имаме не само за овој полошки регион, туку и за цела Македонија е набавката на земјоделска опрема. Проектот за набавка на земјоделска опрема се покажа како вонредно успешен и во него засега државата покриваше 50 проценти за набавка на трактори, приколки и останата земјоделска опрема. Сега ја зголемуваме помошта на државата и наместо 50, државата ќе покрива 60 посто за набавка на опремата. Инвестираме во модернизација на земјоделието, за да ги развиеме руралните средини. Ќе го зголемиме учеството на државата во осигурување на премиите во земјоделието, наместо 50-50 државата и тука ќе покрива 60 посто од трошоците, истакна Ѓорчев.
Тој додаде дека во програмата на ВМРО-ДПМНЕ предвидено е асфалтирање на неколку улици во Општина Брвеница, а еден од клучните проекти за овој предел е изградбата на градинка.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
