Бизарна несреќа во Битола: Маж се бори за живот
Отишле да собираат дрва, па едвај спасил жива глава. Вчера во 15 часот и 30 минути во атарот на селото Свети Тодори, битолско, 52-годишниот М.П. и 35-годишниот О.А. од селото отишле со трактори да собираат дрва.
Како што информираат од полциијата, во еден момент О.А. заглавил со тракторот, а М.П. со каиш го прикачил неговиот трактор за тракторот на пријателот и се обидел да го извлече. При обидот дошло до кинење на каишот, по што М.П. се превртел од тракторот и се здобил со повреди во пределот на главата и паднал во безсознание.
Истиот со возило бил пренесен во Клинички центар Битола каде му се констатирани тешки телесни повреди во пределот на главата и вратот. Тој се уште се бори за живот.
Поради непристапност на теренот, а во консултација со Јавен обвинител, увид на местото на настанот ќе се врши на денеска.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа