Во СДСМ шокирани од поразот на Клинтон меѓусебно се демантираат
Заменичката на Зоран Заев, Радмила Шекеринска, со цел да го мотивира разлутеното членство, се служи со пример на изборите во САД и прави споредба со претстојните избори во Македонија.
Имено, Шекеринска истакна дека иако анкетите покажувале дека Хилари Клинтон е со предност пред Трамп во довербата, таа на изборите беше поразена. Заменичката на СДСМ направила и споредба со анкетите во Македонија, па се надева дека иако ВМРО-ДПМНЕ со години ужива далеку поголема доверба кај граѓаните, сепак е можно СДСМ да излезе како победник.
Шекеринска е свесна за предноста која владејачката партија ја ужива во рејтингот, но со нејзиниот лидер повторно некоординирано настапуваат во јавност. Тие меѓусебно се демантираат во изјавите. Додека Шекеринска признава дека ВМРО-ДПМНЕ води на сите анкети, Зоран Заев вели дека предноста е во рацете на СДСМ. Како што се надева дека ќе победи тој тука, така не криеше и дека се надеваше на победа на Клинтон.
Заев јавно застана и против новиот претседател на Америка. Тој изјави: „Навивав за Демократите, се надевав дека Хилари ќе победи“.
Заев беше гостин во 24 Анализа, а домаќинот го замоли да даде своја прогноза за изборите во Америка кои тукушто беа започнати.
-Навиваме ние за демократите. Се надеваме дека Америка ќе има женски претседател, истакна Заев.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
