Во Гевеглија ќе се градат нови улици и тротоари
Општина Гевгелија во наредниот период ќе издвои повеќе од 25 милиони денари од сопствениот буџет за изградба и уредување на нови улици и тротоари во градот и населените места, согласно Годишната програма за локални улици и патишта, соопшти денеска општинската служба за информирање.
- Поголемиот дел од средствата, поточно над 17 милиони денари, ќе бидат наменети за изградба на нови улици во градот и неколку населени места во општината, а останатите над 8 милиони денари ќе бидат потрошени за уредување на нови тротоари со павер елементи, беше речено на денешната средба со новинарите.
Од општината велат дека дел од улиците веќе се пробиваат во новите градски населби каде што градежните работи се во експанзија, а останатите ќе се градат наредната година, како што е предвидено со тендерите на кои, на последното јавно електронско наддавање, најниски цени понудија фирмите изведувачи „Жикол“ од Струмица и „Урбан инвест“ од Кавадарци.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
