СИТЕЛ: Учество на граѓаните во креирањето на локалните политики преку користење на модерни технологии

Подобрување на транспарентноста и отчетноста на институциите и потикнувањето на иницијативата на граѓаните и граѓанските организации низ модерните технологии да дадат свој придонес во јавниот живот и животот на заедницата беше тема на денешната конференција “Стандарди за е-транспарентност и е-отчетност на локално ниво“

Граѓаните, владиниот,невладиниот сектор и академската заедница според министерската Арсовска-Томовска заедно учествуваат во рамките на обезбедувањето на едни отворени, транспарентни власти кои се подготвени да соработуваат на централно и локално ниво.

Заедничкиот пристап и усвојувањето на стандардите за транспарентност ќе ја зголемат довербата на граѓаните во институциите, и ќе ја засилат ефективноста на локалните политки но и промоцијата на демократските вредности.