КУРИР: Изборна злоупотреба на СЈО

Специјалното јавно обвинителство пред изборите целосно се става во функција на СДСМ. Па, така обвинителството ги спроведува доделените насоки за делување до изборите. Покрај тоа СЈО служи како партиски центар за вработување на кадри и поддржувачи на СДСМ кои се плаќаат од парите на граѓаните, објавува Курир.мк

СДСМ во очај поради слабата поддршка која ја имаат кај граѓаните според резултатите од интерните партиски спроведени анкети, се одлучи повторно да го активира Специјалното јавно обвинителство како обид за спас.

Опозицијата обидувајќи се да го зголеми сопствениот рејтинг и да ја врати изгубената доверба кај граѓаните, наместо со конкретни проекти се обидува тоа да го постигне преку СЈО. Односно преку давање инструкции до Катица Јанева за објавување на што е можно повеќе измислени сценарија и провокација преку истите. На овој начин СДСМ смета дека ќе го излаже народот и дека ќе заработи некој глас повеќе.

Но, резултатите од сите спроведени досега анкети јасно покажуваат дека народот е целосно свесен за тоа што може да очекува од СДСМ. Граѓаните не потпаѓаат под влијание, лаги и манипулации и јасно и мудро расудуваат кој за чии интереси работи.