Успешно раздвоени сијамските близначиња кои беа споени со главите!
Енијас и Џејдон МекДоналд се 13 месечни близначиња кои се родиле споени со главите. Нивните родители морале да ја донесат најтешката одлука пред која ни еден родител не би требало да биде поставен – да се согласат на операција за раздвојување на децата, која е исклучително ризична. Во спротивно, нивниот животен век би бил многу кус!
Бебињата се родени на 9 септември 2015 година, со споени глави на начин кој се појавува еднаш во 2,5 милиони случаи!
Операцијата ја извршил искусниот доктор Џејмс Гудриџ кој зад себе има бројни успешни операции на раздвојување на сијамски близнаци.
Оперирани се во Монтефиоре медицинскиот центар во Њујорк, а операцијата траела 16 часа.
Утрово нивната мајка во 5 часот на фејсбук напиша дека операцијата била успешна.
– Во еден момент доктор Гудриџ зборуваше за опција да се запре целата работа бидејќи ризикот е преголем, но се појави шанса која ја искористи и излезе дека правилно постапил. Следните неколку месеци ќе бидат критични за опоравувањето и неколку недели нема да знаеме како Аниас и Џејдон ќе заздравуваат – напиша нивната мајка.
Таа додава дека едно од децата е во подобра состојба но другото веројатно ќе има проблеми.
Доктор Гудриџ пред операцијата изјави дека децата нема да имаат проблеми со говорот, но постои можност движењето да биде отежнато.
Операцијата која чинела 2,5 милиони долари ќе ја покрие осигурувањето – пишуваат американските медиуми.
Ова беше 59-тата операција за раздвојување на сијамски близнаци во светот, од 1952 година.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа