ВМРО-ДПМНЕ: Танцот кој го играат аболицираниот Заев и некомпетентната Јанева е понижување за граѓаните и правната фела

СДСМ и СЈО се едно исто. Тоа што аболицираниот криминалец Зоран Заев ќе го замисли Катица Јанева трча да го реализира, согласно сопствените капацитети, реагираат од ВМРО-ДПМНЕ.

Во продолжение следува соопштението на владејачката партија

Танцот кој го играат аболицираниот Зоран Заев и некомпетентната Катица Јанева пред целокупната јавност е тешко понижување за правната фела и за сите граѓани на Република Македонија. Конструкциите кои ги смислува и нарачува аболициран криминалец не минуваат.

Паниката дека „чаушите“ од врвот на СДСМ во соработка со СЈО не можат веќе со лаги да ја изманипулираат јавноста е се поголема. Доказ за тоа е и денешното соопштение на СДСМ нарачано од аболицираниот криминалец Зоран Заев кое го договорил заедно со Катица Јанева уште пред да тргне во реализација на неговите идеи.

Аболицираниот криминалец Зоран Заев со Катица Јанева го склопиле партиското соопштение на СДСМ без да проверат дали ВМРО-ДПМНЕ воопшто реагирало на политичката прес конференција на СЈО.

Ова е дното и калта во која што секој ден тонат аболицираниот криминалец Зоран Заев и неговата партнерка Катица Јанева.