Пушењето може трајно да влијае врз гените

Едно ново истражување спроведено во САД покажува дека пушењето цигари може да промени над 7.000 гени и така да предизвика развој на многу болести, пренесуваат американските медиуми.

Кај голем број на гени овие промени се трајни, но во некои случаи оштетувањата можат да исчезнат по пет години од прекинот на пушењето.

Наодите, објавени во стручното списание „Сиркулејшн: Кардиоваскулар Генетикс“, се темелат на анализа на податоци собрани за потребите на 16 претходни студии.

Севкупно во овие студии учествувале 16.000 испитаници, а некои се следени и повеќе од 30 години.

Пушењето е основен ризик фактор за голем број смртни случаи во светот и годишно однесува околу шест милиони животи.