Скопјанка се скарала со свекрвата па го треснала бебето од улица
Основното јавно обвинителство Скопје поднесе обвинение против скопјанката А.Х. (30), која е мајката што го малтретираше и тепаше 18-месечното бебе. Од Обвинителството соопштуваат дека откако е завршена истражната постапка и се прибрани сите докази за настанот, Обвинителството го доставило до Основниот суд Скопје 1 обвинителниот акт. Мајката ќе одговара за запуштање и малтретирање малолетно лице.
За потсетување, А.Х. е обвинета дека на 31 август годинава физички го малтретирала своето 18- месечно бебе. Таа прво го удрила по главата, а потоа го кренала високо и го фрлила на асфалтот откако се скарала со свекрвата. На Клиниката за неврохирургија специјалист неврохирург констатирал дека има нагмечување на главата и потрес на мозокот.
Овој настан ја потресе македонската јавност.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа