Специјалната обвинителка фатена во нова лага - нема пријави за закани

Измислици и манипулации со кои Специјалната обвинителка треба да биде претставена како жртва, со што би требала да добие барем некакви симпатии од јавноста.

Вака експерти го толкуваат скандалозниот настап на Катица Јанева на македонската телевизија. Според нив, недолично и срамно за фелата е еден јавен обвинител кој треба да работи исклучиво согласно закон, да се расфрла со излитени политички флоскули напишани во некој центар.

КУРИР се обиде да добие одговор од СЈО кој ѝ се заканувал на Катица Јанева или на некој од членовите на нејзиниот тим, но од СЈО нема одговор. КУРИР се обиде да добие одговор и од министерството за внатрешни работи кога Катица Јанева пријавила некакви закани, но од МВР велат дека таков случај не е пријавен, ниту се преземаат мерки против некое лице.

-Би било нескромно и несериозно ако кажам дека нема притисоци и суптилни закани, изјави Јанева во скандалозното интервју.