ССК на терен: 3000 компании помагаат во кризните подрачја

И Сојузот на стопански комори на Македонија излезе на терен да донесе помош за настраданите од поплавите во вид на хигиенски средства и останати потрепштини.

Претседателката на ССК Данела Арсовска лично ги доставуваше собраните донации до граѓаните.

Во рамки на Комората деновиве беше отворен пункт каде граѓаните и компаниите можат да ги достават неопходните артикли кои во соработка со локалните власти се доставуваат во погодениот регион.

Согласно потребите на граѓаните погодени од невремето, најпотребни артикли се конзервирана храна, бебешка храна и пелени, вода за пиење, средства за хигиена, средства за дезинфекција.